It’s time let’s fly...

Jet International School-н анхны төгсөгчид эрдмийн баяраа эцэг эхчүүд, багш нарын хамт хийж амьдралын нэгэн сайхан дурсамжийг сэтгэлдээ хадгаллаа.

Бид хүнд он цагийг ардаа орхин саад, бэрхшээл болгоноос суралцаж, сорилт болгоныг давуу тал болгон хөгжүүлсээр өнөөдөр анхны төгсөгчдийгөө шинэ амьдралын нислэгт бэлэн болгосон баяр, жаргалын нулимстай сайхан өдрийг өнгөрлөө. Өглөө бүр хичээлдээ, багшдаа, сургуульдаа яаран ирж сургуулийн барилгыг барилга биш ордон болгон хувиргадаг эрхэмсэг хүүхдүүд минь бас л олон олон саад бэрхшээлтэй өдөр хоногуудыг баяр хөөр, аз жаргал, амжилт бүтээлээрээ зөөллөн даван туулж өнөөдрийн амжилтанд хүрсэн юм. Өнгөрсөн хэдхэн жилийн хугацаанд санаанд багтамгүй, бүр төсөөлөөчгүй өндөр амжилт үзүүлсэн та нараараа бахархаад баршгүй.

Амьдралын нэгэн мөрөөдөлдөө хүрэх гараагаа Jet International School сургуулийн алтан босгоноос эхлүүлэн эрдмийн дээдэд шамдан суралцаж, шинэ зуунд үнэ цэнтэй бие хүн болон хүмүүжих, зөв хандлага, зөв төлөвшлийг өөртөө бий болоход манлайлан үргэлж шилдэг нь байж чадсан нийт төгсөгчиддөө

Жэт Олон Улсын сургууль болон багш нарынх нь зүгээс амьдралынхаа шинэ замд хамгаас өндөрт, хамгаас хурдан, хамгаас хүчтэй нисэн, саад бэрхшээл, сайн сайхан бүхнийг даван туулж мөрөөдөлдөө хүрэхийг чин сэтгэлээсээ хүсэн үдэн гаргаж байна. Өнөөдрийг хүртэл та бүхэн Jet International School гэдэг онгоцонд сууж ирсэн бол одоо өөрийн онгоцоор шинэ амьдрал өөд нисэх цаг болжээ.

It’s time let’s fly...

Үндсэн цэс

News